اسلام آباد ۔ 2 اپریل (اے پی پی) چیئرمین سینیٹ محمد صادق سنجرانی بھارت ولوں گزریل ڈینھ مقبوضہ کشمیر اچ وحشیانہ طاقت دے استعمال دی مذمت کیتی ہے جیندے نتیجے اچ 20 نہتے اتے معصوم کشمیری شہید جڈانجو 200 توں ودھ زخمی تھن ۔ بھارت احتجاج کرنڑ آلے نہتے کشمیریاں جنہاں اچ نوجوان اتے بال شامل ہن انہاں مظلوماں دے خلاف ظالمانہ اپریشن کریندا پئے۔بھارتی فوج کشمیریاں دے خلاف پیلٹ گن وی استعمال کریندی پئی ہے اتے ایندے نال علاقے اچ انٹر نیٹ سروس وی معطل کر ڈتی گئی ہے۔ایںظلم و بربریت دا مقصدنشوم کشمیریاں دی تحریک کوں دباونڑ اںہے۔کشمیریاں دابہیمانہ قتل بھارت دی ریاستی دہشت گردی دے غیر انسانی چہرے دی عکاسی ہے ،کئی دہائیاں توںنشوم کشمیریاں تے ظلم کیتے ویندے پن۔ مدینہ منورہ سعودی عرب توں اپنڑے خصوصی پیغام اچ چیئرمین سینیٹ ایں گالھ تے زور ڈتا جو بھارت دی قابض فوج ولوں ایجھے بزدل اقدامات نال کشمیریاں دے حوصلے جھکے کائناں تھیسن بلکہ انہاں داعزم بیا پکا تھیسی۔ مقبوضہ جموں تے کشمیر دے دلیر اتے پر عزم لوکاں ولا ولا عہد دا اعادہ کیتے جو بھارتی فوج ولوں ہر قسم دا تشدد ،بربریت اتے ماروائے عدالت کشمیریاں دا قتل عام، انہاں کوں حق خود ارادیت دی تحریک توں انجھ نی کر سگدا۔ چیئرمین سینیٹ مقبوضہ جموں وکشمیر دے لوکاں دے نال یکجہتی دااظہا ر کریندے ہوئیں بین الاقوامی برادری تے زور ڈتا جوا وہ مقبوضہ کشمیر اچ بنیادی انسانی حقوق دیاں خلاف ورزیاں دا نوٹس گھن تے گزریل کئی سالاں توںجاری انہاں ظلماں کوں روکنڑ سانگے اپنڑاں اثر رسوخ استعمال کرے۔چیئرمین سینیٹ بین الاقوامی برادری توں مطالبہ کیتا جواوہ جموں و کشمیر دے مسئلے دا اقوام متحدہ دی سلامتی کونسل دیاں قرار داداں اتے کشمیریاں دیاںخواہش دے مطابق دیر پا حل کڈھنڑ سانگے کردار ادا کرے۔
بین الاقوامی برادری مقبوضہ کشمیر اچ بنیادی انسانی حقوق دیاں خلاف ورزیاں دا نوٹس گھنے چیئرمین سینیٹ محمد صادق سنجرانی دی مقبوضہ کشمیر اچ بھارتی فوج ولوں وحشیانہ طاقت دے استعمال دی مذمت
مضمون کا ماخذ : فروٹ شاپ
متعلقہ مضامین
