اسلام آباد ۔ 7 اپریل (اے پی پی) وزیراعظم دے مشیر برائے خزانہ مفتاح اسماعیل دی صدارت اچ مانیٹری اینڈ فسکل پالیسی کوآرڈینیشن بورڈ دا اجلاس تھیا۔ اجلاس اچ ڈپٹی چیئرمین پلاننگ کمیشن ،سیکرٹری خزانہ، گورنر اسٹیٹ بنک اتے بیاں وی شرکت کیتی۔ ایں موقعے تے مشیر خزانہ آکھیا جو ایں اجلاس اچ اساکوں مانیٹری، فسکل اتے ایکسچینج ریٹ پالیسیاں دا جائزہ گھنڑ دے نال نال میکرو اکنامک اہداف دا تسلسل یقینی بنڑاونڑ بارے موجودہ صورتحال دا جائزہ گھنڑ دا موقع ملے۔ سیکرٹری خزانہ اجلاس کوں ملک دی اقتصادی اتے مالی صورتحال بارے ڈسایا۔ انہاں آکھیا جو گروتھ کیتے مددگار پالیسیاں پاروں زراعت، صنعت اتے خدمات دے شعبیاں دی کارکردگی ودھی ہے ۔ ایں مالی سال دیاں ترائے سہ ماہیاں اچ افراط زردی شرح 3.8 فیصد تئیں رہی جئیں پاروں موثر مانیٹری پالیسی اتے بیاںچیزاں دی بہتر فراہمی ہے۔ وڈی سطح تے پیداوار وی متاثر کن رہی اتے جاری مالی سال دے پہلے ست مہنیاں اچ ایں شعبے اچ 6.3 فیصد دی شرح نمو ریکارڈ کیتی گئی۔ سیمنٹ دی ودھدی ہوئی طلب اتے چینی دی بہتر پیداور نال شرح نمو بئی چنگی تھیسی ۔ بورڈ دے رکناں غیر ملکی زرمبادلہ دی آمد کوں ودھاونڑ سانگے مختلف اقدامات تے غور کیتا ۔ بورڈ انفارمیشن ٹیکنالوجی دی برآمدات ودھاونڑ دے نال نال خوراک، سبزیاں، گوشت دی برآمدات اچ ودھارے تے زور ڈتا اتے ایں بارے ایس پی ایس شرائط اُتے عملدرآمد کوں یقینی بنڑاونڑ دی لوڑتے زور ڈتا۔
وزیراعظم دے مشیر برائے خزانہ مفتاح اسماعیل دی صدارت اچ مانیٹری اینڈ فسکل پالیسی کوآرڈینیشن بورڈ دا اجلاس
مضمون کا ماخذ : ہرکیولس اور پیگاسس
متعلقہ مضامین
