اسلام آباد ۔ 8 اپریل (اے پی پی) وفاقی وزیر صحت عامر محمود کیانی سنوار کوں اسلام آباد بھارہ کہو اچ زچہ و بچہ ہسپتال دا سنگ بنیاد رکھیا۔ایں موقع تے وفاقی وزیر صحت خطاب کریندے ہوئیں آکھیا جو اساں اسلام آباد کوں صحت دے حوالے نال ماڈل سٹی بنڑیسوں ،ایں سانگے چنگا اقدامات کیتے ویندے پن ۔انہاں آکھیا جو اج ایں منصوبے داسنگ بنیاد رکھنڑایں سلسلے دی اہم کڑی ہے ۔ انہاں آکھیا جوں 40 بستراں داماں اتے بالاں دے ایں ہسپتال اچ جدید سہولتاں ملسن ۔ ایہ منصوبہ 31 دسمبر 2019 کوں انشااللہ مکمل تھی ویسی۔ ہسپتال توں ایں علاقہ دی ہک لکھ آبادی دے علاوہ بئے علاقیاں توں آئے پنج لکھ لوکیں وی فائدے چیسن ۔ وزیر صحت آکھیا جو ایں سال دے چھیکڑ اچ ہیلتھ دے شعبے اچ عوام کوں ڈھگ ساریاں تبدیلیاں نظرسن۔
مضمون کا ماخذ : لاٹری کے اعدادوشمار
