واشنگٹن ۔ 12 اپریل (اے پی پی) واشنگٹن ڈی سی اچ عالمی بینک اتے عالمی مالیاتی فنڈ دا سالانہ اجلاس جاری اے، اجلاس دے ڈوجھے ڈینھ پاکستانی وفد وزیر خزانہ اسد عمر دی سربراہی اچ اجلاس دی کاروائی اچ شرکت کیتی ۔ پاکستانی وفد ایں موقع تے ڈو پاسے ملاقاتاں وی کیتیاں ۔ وزیرخزانہ دی قیادت اچ پاکستانی وفد ایشیائی ترقیاتی بینک دے صدر ٹاکی ہیکو ناکاﺅ نال ملاقات کیتی ۔ وزیر خزانہ انہاں کون پاکستان دے کلی معیشت (میکرو اکنامک) صورتحال بارے ڈسایا ۔ ملاقات اچ پاکستان اتے عالمی بینک وچال جاری تعاون تے منصوبیں دا وی جائزہ گھدا گیا۔ عالمی بینک دے صدر پاکستان اچ اصلاحات دے عمل دی تعریف کیتی تے ایں سلسلے اچ انہاں کوں عالمی بین دے پورے تعاون دا یقین ڈیوایا ۔ایندے توں پہلے وزیر خزانہ عالمی بینک دی ٹیم دے نال ملاقات اچ عالمی بینک اچ پاکستان دے پورٹ فولیو امور تے گال مہاڑ کیتی ۔ عالمی بینک دی ٹیم دی قیادت جنوبی ایشیاءکیتے عالمی بینک دے نائب صدر ہاٹ شیفر کیتی۔ ملاقات اچ پاکستان کیتے عالمی بینک دے آونڑ آلے منصوبیں اچ مختلف شعبیں دی بہتری کیتے عالمی بینک دے تعاون متعلق امور تے تفصیلی گال مہاڑ کیتی گی ۔وزیر خزانہ دی قیادت اچ پاکستانی وفد عالمی بینک دے کثیر الجہتی سرمایہ کاری گارنٹی ایجنسی (ایم آئی جے اے) دی ٹیم نال وی ملاقات کیتی۔ ٹیم دی قیادت ایجنسی دے چیف آپریٹنگ آفیسر ویجے آئر کریندے پئے ہن ۔ ایں اجلاس اچ حکومت پاکستان دی نجکاری دی پالیسی اتے ملک اچ سرکاری تے نج شعبے دی سانجھے داری فریم ورک اچ توسیع دے امور دا جائزہ گھدا گیا ۔ وزیر خزانہ اپنڑے سعودی ہم منصب نال وی ملاقات کیتی۔سعودی وزیر خزانہ اسد عمر کوں سعودی عرب دی معیشت دی ودھدی ہوئی شرح تے سعودی عرب اچ پاکستانی تعمیراتی ورکراں کیتے روزگار دے موقع دا ڈسایا ۔
پاکستانی وفد دی وزیر خزانہ اسد عمر دی سربراہی اچ واشنگٹن ڈی سی اچ عالمی بینک اتے عالمی مالیاتی فنڈ دے سالانہ اجلاس دی کاروائی اچ شرکت
مضمون کا ماخذ : estratégias para lotomania
متعلقہ مضامین
