اسلام آباد ۔ 24 ستمبر (اے پی پی)اقوام متحدہ دی جنرل اسمبلی دے 74ویں اجلاس دے موقع تے وزیر خارجہ شاہ محمود قریشی نال ایران، سینٹ وینسنٹ اتے گریناڈینزدے وزراءخارجہ نال انج انج ملاقات کیتی۔ دفتر خارجہ مطابق ملاقات دوران ڈوطرفہ تعلقات، علاقائی تعاون اتے یو این سلامتی کونسل دی غیر مستقل رکنیت توں متعلق گالھ مہاڑ کیتی گی۔ شاہ محمود قریشی آکھیا جو اساکوں ماحولیاتی تبدیلیاں سمیت ہکو جئے چیلنجاں دا سامنڑا ں ہے اتے پاکستان ایجھے چیلنجاں کوں قابو کرنڑ سانگے عالمی کوششاں اچ پیش پیش ہے۔ سینٹ وینسنٹ وگریناڈینز دے وزیر خارجہ آکھیا جو ماحولیاتی تبدیلی نال کئی ملکاں کوں خطرہ درپیش ہے اتے ایں تے قابو کرنڑ سانگے عالمی تعاون دی ضرورت ہے۔ انہاں آکھیا جو سینٹ وینسنٹ اتے گریناڈینز ایں معاملے تے پاکستان دے نال رل مل تے کم کرنڑ سانگے تیار ہے۔ وزیر خارجہ شاہ محمود قریشی اپنڑے ہم منصباں کوں مقبوضہ کشمیر دی تازہ صورتحال بارے بریف کیتا۔ انہاں توقع ظاہر کیتی جو اقوام متحدہ اپنڑیں اخلاقی اتے قنونی ذمہ داری پوری کریندے ہوئیں بھارت تے زور ڈیوے جوا وہ کشمیریاں تے ظلم بند کرے ۔
وزیر خارجہ شاہ محمود قریشی دی ایران ، سینٹ وینسنٹ اتے گریناڈینزدے ہم منصباں نال انج انج ملاقاتاں
مضمون کا ماخذ : کمپیوٹر لاٹری کے اعدادوشمار
متعلقہ مضامین
