اسلام آباد ۔ 18 ستمبر (اے پی پی) چیئرمین سینیٹ صادق سنجرانی آکھیے جوکشمیر دا مسلہ اج جگ دا سب توں وڈا حل طلب مسلہ بنڑچکیے، انسانی حقوق دیا ںتنظیماں، او آئی سی، اقوام متحدہ دی سکیورٹی کونسل اتے بئے ادارے مقبوضہ کشمیراچ انسانی حقو ق دی پامالی، قتل و غارت ، مظالم روکنڑ کیتے کرداراداکرن۔ اے گالھ چیئرمین سینیٹ صادق سنجرانی اسلام آباد اچ قومی پارلیمانی کشمیر کانفرنس نال خطاب کریندے آکھی۔انہاں آکھیے جو پاکستان کشمیریاں دے تحفظ فلاح و بہود اتے جدوجہد آزاد ی اچ انہاں دے نال کھڑا ہااتے چھیکڑی ساہ تئیں نال رہسی،اساں کشمیریاں دی تحریک آزاد ی دا احترام کریندے ہیں اتے پر امن طریقے نال ایں وڈے مسلے داحل چاہندے ہیں۔ انہاں آکھیے جو بھارتی افواج 44 ڈینہہ توں معصوم کشمیریاں داجیونڑ اوکھا کر ڈتے،کشمیریان کیتے خوراک اتے دوائیاں دی تھوڑ تھی گئی اے،اقوام عالم ایں انسانیت سوز مسئلہ کوں فوری حل کراون، مقبوضہ کشمیر اچ انسانی بحران دا مسلہ تیکھے مکاونڑ دی لوڑھ اے۔انہاں آکھیے جو اے کانفرنس بھارتی حکومت کوں واضح سنیہا ڈیندی اے جو او مقبوضہ کشمیراچ انسانی حقوق دی پامالی اتے نسل کشی فوری بند کرے۔
چیئرمین سینیٹ صادق سنجرانی دا قومی پارلیمانی کشمیر کانفرنس نال خطاب
مضمون کا ماخذ : جیک اور بین اسٹالک
متعلقہ مضامین
