اسلام آباد ۔ 22 مارچ (اے پی پی)گزریل 24گھنٹے اچ پاکستان اچ کرونا وائرس دے کیسز اچ ودھارا تھئے ۔ قومی ادارہ صحت ولوں جاری رپورٹ دے مطابق گزریل 24 گھنٹے اچ ملک اچ 185 نویںکورونا کیسز دی تشخیص تھئی اے تے ملک اچ کورونا وائرس دے مریضاںدی تعداد 646 تھی گی اے ، 638 مریض ملک دے مختلف ہسپتالاں اچ زیر علاج ہن۔ رپورٹ دے مطابق 5 لوکاںکوںکورونا وائرس توں زندگی دی جنگ جت تے اپنڑے گھر ٹر گئن ۔تفصیلات دے مطابق گزریل 24گھنٹے اچ سندھ اچ کورونا وائرس دے 22 نویں کیس رپورٹ تھیونڑ نال مریضاں دی تعداد 292 تھی گی ۔ بلوچستان اچ کرونا وائرس دے مریضاں دی تعداد 104 جڈاں جو پنجاب اچ کورونا وائرس نال 152 متاثرہ لوک زیر علاج ہن ۔ خیبر پختونخواہ اچ کرونا وائرس دے 29 ، گلگت بلتستان اچ 55 اتے اسلام آباد اچ کورونا وائرس دے 9 مریض زیر علاج ہن۔ رپورٹ دے مطابق گزریل 24گھنٹے اچ ملک دے داخلی رستے تے 14 ہزار 439 لوکاں دی سکریننگ کیتی گی تے داخلی رستے تے سکریننگ دے دوران کورونا وائرس دے 202 مشتبہ مریض رپورٹ تھئن۔
گزریل 24گھنٹے اچ ملک اچ 185نویں کرونا کیسز دی تشخیص ، مجموعی تعداد 646 تھی گئی اے ، قومی ادارہ صحت
مضمون کا ماخذ : مڈاس گولڈ
متعلقہ مضامین
