اسلام آباد 18 جولائي (اے پي پي) د موسمياتي بدلون وفاقي وزيرې سينيټر شيري رحمان وئيلي دي د سعديه دانش د ګلګت بلتستان اسمبلۍ اولنۍ ښځينه دوهمې سپيكرې په حېث ټاكنه د مېرمنو نمائندګۍ په لړ كښې مهم پېشرفت دے٬ د مېرمنو اختيار مندې جوړولو او دوي په هېواد كښې په اهم چوكو تعينات كول د پيپلز ګوند په زړه پورې ريكارډ پاتے شوے دے۔ د نهې په ورځ خپل ټويټ كښې دې ووئيل د پيپلز پارټۍ سترې لارښودې شهيدې بېنظير بھټو د پاکستان اولنۍ مېرمن وزيراعظمه جوړېدو سره تاريخ رقم كړې ٬ د ھغې زړورې مشرتابه نورو مېرمنو لپاره د سياست كولو او د هېواد په حكمرانۍ كښې د اهم كردار لوبولو لاره هواره كړې۔ وفاقي وزيرې ووئيل د صنفي مساواتو وده نه يوازې مېرمنې اختيار مندې جوړوي بلكې د هېواد جمهوري بنيادونه هم قوي كوي٬ مېرمنې اختيار مندې جوړول او دوي په قامي چوكاټ كښې په چوكو تعينات كولو لپاره د پيپلز ګوند قيادت د ستائل كېدو حق لري۔
د سعديه دانش د ګلګت بلتستان اسمبلۍ اولنۍ ښځينه دوهمې سپيكرې په حېث ټاكنه د مېرمنو نمائندګۍ په لړ كښې مهم پېشرفت دے ٬ سېنېټر شېري رحمان
مضمون کا ماخذ : لاتعداد وشال پانڈا
متعلقہ مضامین
