پنډۍ ۔8اګست(اے پی پی) وزيراعظم شهباز شريف وئيلي دي پاکستان د شهيدانو او غازيانو د قربانيو په نتيجه كښې په امنيتي توګه محفوظ شوے دے٬ موجوده حكومت هېواد معاشي ستونزو څخه ويستلو له زيات كار كړے ٬ د پرمختګ او سوكالۍ يو بشپړ نظام رامخے ته شوے ٬ په ګډه كار كولو سره كه مخ په وړاندې لاړ شؤ نو كومه ستونزه زمونږ په لاره كښې خنډ جوړېدې نه شي۔ د دې خيالاتو څرګندونه ده د نهې په ورځ په جي اېچ كيو كښې د شهيدانو كورنيو او د غازيانو په درناوي كښې تابيا كړې شوې دستورې ته خطاب كښې وكړه۔ په دې موقعه وفاقي وزيران خواجه محمد آصف، مریم اورنګزېب او احسن اقبال، د پاک پوځ سرلښكر سيد عاصم منېر او د وسله والو ځواكونو اعلی چارواكو پشمول د شهيدانو كورنۍ او ګڼ شمېر غازيان موجود وو۔ وزيراعظم د هېواد دفاع لپاره د خپلو ځانونو قرباني وركوؤنكو شهيدانو او خذمات ترسره كوؤنكو غازيانو ته د عقيدت پېرزوينې وړاندې كولو سره ووئيل د پاكستان دفاع لپاره چې دوئي كومې سترې قربانۍ وركړې دي د هغې مثال نه ترلاسه كېږي٬ د پاكستان جوړېدو نه تر دې دمه د دې قربانيو لړۍ روانه ده۔ ده ووئيل په دې پروقاره دستوره كښې د شهيدانو كورنيو او غازيانو سره ملاقات ما لپاره درناوې دې۔ ده ووئيل د پاكستان يو محفوظ هېواد جوړولو له به د شهيدانو او غازيانو قربانۍ ټول عمري له يادې ساتلې شي۔ ده ووئيل په نړۍ كښې عزت سره د ژوند كولو نورې تقاضې هم شته٬ مونږ له به بې وزلي او بېروزګاري ختمول وي۔ ده ووئيل شهيدانو او غازيانو ته د عقيدت پېرزوينې وړاندې كولو تر ټولو غوره طريقه پاكستان په معاشي توګه يو مضبوط هېواد جوړول دي۔ ده ووئيل سبا به زمونږ حكومت ختم شي ٬ د آئيني تقاضې له مخې به مونږ اقتدار نګران حكومت ته وسپارؤ۔ وزیراعظم ووئيل د پاكستان پرمختګ او سوكالۍ له يو بشپړ نظام رامخے ته شوے دے۔ حكومت او ټولو ادارو په ګډه يو بشپړ نظام وضعه كړې دې۔ د هېواد پرمختګ او سوكالۍ له به د كركيلې ٬ معدنيانو ٬ آئي ټي او دفاع څانګو ته زيات پام ګرځول وي۔ ده ووئيل د پوځ سرلښكر جنرال سیّد عاصم منیر او د ده ډلې چې د پاكستان د پرمختګ كوم ماډل راكړے هغه د ستائنې وړ دے۔ ده ووئيل اېس آئی اېف سی د پاكستان د پرمختګ تګلاره ده۔
پاکستان د شهيدانو او غازيانو د قربانيو په نتيجه كښې په امنيتي توګه محفوظ شوے ٬ د پرمختګ او سوكالۍ يو بشپړ نظام رامخے ته شوے ٬ د وزيراعظم شهباز شريف په جي اېچ كيو كښې د شهيدانو كورنيو او غازيانو په درناوي كښې تابيا كړې شوې دستورې ته خطاب
مضمون کا ماخذ : مصری ڈریمز ڈیلکس
متعلقہ مضامین
