اسلام آباد ۔ 24 ستمبر (اے پی پی )معاون خصوصی اطلاعات تے نشریات ڈاکٹر فردوس عاشق اعوان آکھیے جو بھارت مقبوضہ وادی اچ نہتے عوام تے ظلم دی انتہا کیتی ہوئی ہے، وزیراعظم عمران خان عالمی فورمز تے کشمیریاں دا مقدمہ چنگے انداز اچ لڑ دے پن، وختی دنیا سامنڑے بھارت دا مکروہ چہرہ وزیراعظم عمران خان دی قیادت اچ بے نقاب تھیسی، پاکستان کشمیر دی آزادی تئیں مقبوضہ وادی دے نہتے عوام دی سفارتی تے سیاسی حمایت جاری رکھیسی، مقبوضہ وادی اندر ہندوستانی فوج انسانیت دی تذلیل کریندی پی ،ایندی مثال نی ملدی، انسانیت دے نال جنہاں دا تعلق اتے رشتہ ہے اوہ آواز بلند کر یندے پن۔معاون خصوصی فردوس عاشق اعوان منگل کوں مقبوضہ و جموں کشمیر اچ بھارتی کرفیو اتے کیمونیکشن لاک ڈاون بارے 50 ڈینھ مکمل ہونڑ تے کشیمری بالاں دے نال یکجہتی سانگے پارلیمنٹ دے سامنڑے پاکستان سویٹ ہوم دے معصوم بالاں دے احتجاجی کمیپ اچ خطاب کر یندے ہوئیں کیتے۔ ایں موقع تے چیئرمین سینیٹ صادق سنجرانی، پارلیمانی کشمیر کمیٹی دے چیئرمین سید فخر امام وی خطاب کیتا،جڈاں جو پاکستان سویٹ ہوم دے سرپرست زمرد خان، حریت راہنما الطاف بٹ، صوبائی وزیر راجہ راشد حفیظ اتے نیشنل پریس کلب دے عہدیداراں وی احتجاجی کیمپ اچ شرکت کیتی.
وزیراعظم دی معاون خصوصی ڈاکٹر فردوس عاشق اعوان دا کشیمری بالاں نال یکجہتی دے اظہار سناگے پاکستان سویٹ ہوم دے معصوم بالاں دے احتجاجی کمیپ توں خطاب
مضمون کا ماخذ : کمپیوٹر لاٹری
متعلقہ مضامین
