پی آئی اے دی ملکیت اچ ملکی تے غیر ملکی اثاثیاں دے شفاف اتے صاف طریقہ کار نال بہترین استعمال تے خصوصی توجہ ڈیونڑ دی ہدایت
اسلام آباد ۔ 8 جون (اے پی پی) وزیراعظم عمران خان ہدایت کیتی جو پی آئی اے دی ملکیت اچ ملکی تے غیر ملکی اثاثیاں دے شفاف اتے صاف طریقہ کار نال بہترین استعمال تے خصوصی توجہ ڈتی ونجے تانجو اے اثاثے عوام تے بوجھ دی بجائے ادارے سانگے مالی وسائل پیدا کرن۔اے گالھ انہاں سنوار کوں قومی ایئرلائن اچ اصلاحات تے تنظیم نو بارے اجلاس دی صدارت کریندیں ہوئیں آکھی۔اجلاس اچ وزیر برائے ہوا بازی غلام سرور خان، وزیرِ اطلاعات سینیٹر شبلی فراز، مشیر اصلاحات ڈاکٹر عشرت حسین، معاون خصوصی لیفٹیننٹ جنرل (ر) عاصم سلیم باجوہ، چیف ایگزیکٹو پاکستان انٹرنیشنل ایئر لائنز ائیر مارشل ارشد ملک تے بئے سینئر افسر شریک تھیے۔سی ای او پی آئی اے وزیراعظم کوں اجوکے پی آئی اے طیارہ حادثے دی تحقیقات،شہیداں دا جسد خاکی لواحقین دے حوالے کرنڑ،متاثرین کوں معاوضے ڈیونڑ بارے پیش رفت تے بریفنگ ڈتی ۔ قومی ائیر لائن دی تنظیم نو اتے اصلاحات دا مفصل روڈ میپ اتے اوں تے عملدرآمد بارے ٹائم لائنز وزیراعظم کوں پیش کیتی گئی ۔سی ای او پی آئی اے ڈسیا جو قومی ایئرلائن کوں ایں ویلھے تقریباً چھی ارب روپے ماہانہ خسارے دا سامنڑاں اے۔انہاں ڈسیا جو ساڈھے 44ہزار ملازماں دی صرف تنخواہیں دے خرچے 24ارب روپے سالانہ ہن۔انہاں ڈسیا جو گزریل 12سالیں اچ ادارے دے 10سربراہ تبدیل تھی چکین۔اجوکے چیف ایگزیکٹواپنڑی 16مہینے دی مدت اچ ترائے واری عدالتی کیسز پاروں کم کرنڑ توں قاصر رہین۔ایں موقع تے وزیراعظم عمران خان ہدایت کیتی جو پی آئی اے دی ملکیت اچ ملکی تے غیر ملکی اثاثیاں دے شفاف اتے صاف طریقہ کار نال بہترین استعمال تے خصوصی توجہ ڈتی ونجے تانجو اے اثاثے عوام تے بوجھ دی بجائے ادارے سانگے مالی وسائل پیدا کرن۔
وزیراعظم عمران خان دی صدارت اچ قومی ایئرلائن اچ اصلاحات تے تنظیم نو بارے اجلاس
مضمون کا ماخذ : وائکنگز گو برزرک
متعلقہ مضامین
