اسلام آباد ۔ 29مارچ (اے پی پی) نیشنل ڈیزاسٹر مینجمنٹ اتھارٹی دے چیئرمین لیفٹیننٹ جنرل محمد افضل آکھیے جو چین کورونا وائرس دے پیش نظر ایں آزمائش اچ وی پاکستان دا سچا یار ہوونڑ دا ثبوت ڈتے ۔ اتوار کوں حکومت چین ولوں بھیجا گیا امدادی سامان وصول کرنڑ دے بعد گال مہاڑ کریندے ہوئیں انہاں آکھیے جو اساں اوکھے ویلھے چین دے تعاون تے پاکستان دی حکومت تے عوام ولوں شکریہ ادا کریندوں ۔ترجمان این ڈی ایم اے دے مطابق کورونا وائرس کوں روکنڑ تے ایندے تدراک دا مشن چنگے طریقے نال جاری اے ۔ایں سلسلے اچ چین پاکستان نال بھرپور تعاون کریندا پئے تے ایں مقصد کیتے چین توں امدادی سامان دا ہک بیا جہاز اسلام آباد پج گئے ۔ترجمان این ڈی ایم اے آکھیے جو ووھان توں آونڑ آلی خصوصی پرواز اچ تقریبا 6 ٹن سامان بھیجا گئے۔ سامان اچ15 ونٹی لیٹرز، ماسک، میڈیکل دی ڈوجھی طبی و حفاظتی چیزاں شامل ہن ۔ پاکستان اچ چین دے سفیر امدادی سامان چیئرمین این ڈی ایم اے لفٹیننٹ جنرل محمد افضل دے حوالے کیتا۔
چین کورونا وائرس دے پیش نظرآزمائش اچ وی پاکستان دا سچا یار ہوونڑ دا ثبوت ڈتے ، لیفٹیننٹ جنرل محمد افضل
مضمون کا ماخذ : میگا ملینز لائیو ڈرا
متعلقہ مضامین
