اسلام آباد ۔ 15 اپریل (اے پی پی) صدر مملکت ڈاکٹر عارف علوی آکھیا جو لوکاں وائرس توں بچنڑ سانگے سماجی وتھ سمیت احتیاطی تدابیر تے چنگے طریقے عمل کیتے جئیں پاروں پاکستان اچ کوروناوائرس دی شدت گھٹ اے،ایں کامیابی کوں برقرار رکھنڑ دی لوڑھ اے۔بدھ کوں اپنڑے ویڈیو سنیھے اچ انہاں آکھیا جو وائرس توں بچنڑ سانگے حکومت جزوی لاک ڈاﺅن اچ کجھ گھٹکی کرنڑ دا فیصلہ کیتے،او اپنڑی جاہ تے اہم اے پر اساں کوں ولا وی احتیاط کرنڑی چاہیدی اے۔انہاں آکھیا جو گھر توں غیر ضروری بہر نہ نکلو،انہاں آکھیا جو وفاقی اتے صوبائی حکومتاں فیصلہ کریسن جو کڈاں تئیں انہاں احتیاطی تدابیر تے عمل کرنڑے۔انہاں آکھیا جو کوروناوائرس توں بچنڑ سانگے منہ تے ہتھ نہ لاتا ونجے اتے ماسک پاونڑ بہوں ضروری اے۔
مضمون کا ماخذ : میگا ملینز کی پیشن گوئی
