اسلام آباد ۔ 20 اگست (اے پی پی) وزیر ریلوے شیخ رشید احمد آکھیے جو ایم ایل ون منصوبہ اہم سنگ میل اے، انگریز دور دے بعد وزیراعظم عمران خان دی قیادت اچ ریلوے کوں نویں زندگی ملدی پئی اے ۔خمیس کوں اسلام آباد اچ پریس کانفرنس نال خطاب کریندے ہوئیں شیخ رشید احمد آکھیے جو مین لائن ون منصوبے نال ریلوے نویں دور اچ داخل تھیسی ۔ چار مہینے اچ کراچی سرکلر ریلوے دا ٹریک وچھا ڈیسوں ۔انہاں آکھیے جو وزیراعظم عمران خان آپنڑی آئینی مدت پوری کریسن۔اپوزیشن جماعتاں گروہ بندی دا شکار ہن۔انہاں دی خواہش تے پانڑیں پوسی تے انہاں دیاں خواہشاں صرف خواہشاں ہی رہ ویسن ۔ نیب زدہ لوک گالھیں کریندے پن لیکن عمران خان دی حکومت اچ انہاں کوں این آر او کائناں ملسی۔ نیب ڈوہیں پاسوں کاروائی کریسی ۔ شہباز شریف اتے حمزہ شہباز دا کیس بہوں سنجیدہ اے۔مریم نواز مایوسی دی حالت اچ پتھراﺅ دا رستہ اختیار کیتے ۔مریم نواز شریف دی وجہ توں نواز شریف دے حالات خراب تھئن او مسلم لیگ دے حالات وی خراب کریندی پئی اے۔ وزیراعظم عمران خان ملک کوں اگوں تے گھن ونجنڑ چاہندن ۔پیپلز پارٹی اتے (ن) لیگ دے بہوں سرے لوک نااہل تھیندے نظر آندے پن ۔ہک سوال دے جواب اچ شیخ رشید احمد آکھیے جو جمہوری حکومت اتے پاک فوج ہک لائن و لینتھ تے ہن تے ڈوہیں کٹھے چلدے پن ملک کوں اگوں گھن ونجنڑ چاہندن ۔
ایم ایل ون منصوبہ اہم سنگ میل اے، وزیراعظم عمران خان دی قیادت اچ ریلوے کوں نویں زندگی ملدی پئی اے ، وزیر ریلوے شیخ رشید احمد دی پریس کانفرنس
مضمون کا ماخذ : راکی
متعلقہ مضامین
