ردیګ۔18مئی (اے پی پی) وزيراعظم شهباز شريف وئيلي دي د پاكستان او ايران ترمېنځه د خپلواكه تجارتي لوظنامې ته به ډېر زر حتمي شكل وركړے شي٬ د ايران صدر سره د تجارت، سرمايه كارۍ، انفارمېشن ټېكنالوجۍ، كرنې، شمسي توان او د معيشت په نورو څانګو كښې همكارۍ ته په وده وركولو خبرې شوي دي۔ د بارډر ماركيټ جوړېدو او د نوي ټرانسمېشن لائن سره به پاك ايران ملګرتيا لا قوي شي٬ دوه اړخيزه تجارت به زيات شي او دا منصوبې به د دواړو هېوادونو د اولس پرمختګ او سوکالۍ لپاره د سنګ ميل حېثيت ولري۔ ده د دې خيالاتو څرګندونه په پاك ايران پوله مشرانو سره خپلو خبرو كښې وكړه۔ وزیراعظم ووئيل د ايران صدر ابراهيم ريئسي سره د شريكې خوښې په ټولو چارو تفصيلي خبرې شوي۔ دواړو اړخونو څخه د دې خبرې جدي څرګندونه وشوه چې دواړه ورونړه اسلامي هېوادونه به تجارت ٬ سرمايه كارۍ ٬ انفارمېشن ټېكنالوجي ٬ كركيلې او د معشيت په نورو برخو كښې يو بل سره همكاري كوي او د آزادې تجارتې لوظنامې ته به زر تر زره حتمي شكل وركړے شي۔ دا خبره هم وشوه چې ايران څخه د برېښنا د ترسيل پراخه ګنجائش شته٬ په دې كښې به هم همكارۍ ته وده وركولې شي۔ وزیراعظم ووئيل ما په ملاقات كښې د سي پېك په اړه مثبت وړاندېزونه وركړل۔ زمونږ ترمينځه ګټورې او مثبتې خبرې وشوې او دا عملي كولو له به تندۍ سره ګامونه پورته كولې شي۔ وزیراعظم ووئيل نن د مند۔پشین ۔ بارډر مارکیټ پرانسته شوې۔ دې منصوبې سره به دواړو هېوادونو كښې تجارت زيات شي او كه پاك پروردګار ته منظور وي دا به د پېوستو سيمو د پرمختګ او سوكالۍ سبب وګرځي۔ ده ووئېل دلته به تجارتي مركزونه جوړ شي۔ دا هغه هدفونه دي د كومو سر كولو سره چې ايران او پاكستان خپل اولس ته د پرمختګ او سوكالۍ پېغام وركولے شي۔ وزیراعظم ووئيل د شمسي توان په څانګه كښې همكارۍ له به د يو بل د هېواد دوره كوؤ۔ ده ووئيل دا ننۍ ورځ پاكستان او ايران لپاره يوه لويه تاريخي ورځ ده۔ ګوادر لپاره د 100 مېګاواټ برېښنا ترسيل منصوبه تاخير سره مخ وه٬ موجوده حكومت دا ترسره كړه۔ ده ووئيل د پاك ايران ملګرتيا په اړه دا منصوبه زياته مهمه ده ٬ دې سره به دوه اړخيزه ملګرتيا لا پياوړې شي او دا به د دواړو اولسونو پرمختګ او سوكالۍ لپاره يو سنګ ميل ثابت شي
د پاكستان او ايران ترمېنځه تجارتي لوظنامې ته به ډېر زر حتمي شكل وركړے شي٬ د بارډر ماركيټ جوړېدو او د نوي ټرانسمېشن لائن سره به پاك ايران ملګرتيا لا قوي شي٬ وزیراعظم شهبازشریف
مضمون کا ماخذ : sorteos da loteria
متعلقہ مضامین
.jpg)
