اسلام آباد ۔ 2 جنوری (اے پی پی)وزیراعظم دے مشیر خزانہ و اقتصادی امور ڈاکٹر عبدالحفیظ شیخ اتصالات متعلق ایشو کوں مستقل بنیاداں تے حل کرنڑ کیتے متعلقہ حکام کوں اقدامات کرنڑ دی اجازت ڈتی اے ، انہاں اے ہدایت اتصالات دی زیر التواءادائیگیاں دے معاملات دا جائزہ گھننڑ کیتے بین الاوزارتی اجلاس دی صدارت کریندے ہوئیں ڈتن۔ انہاں آکھیا جو اساں ہک عشرے توں ودھ زیر التو ایشو کوں حل کرنڑ کیتے سٹیٹس کوں گھن تے اگی تے ودھنڑ چاہندوں تاں جو ایں معاملے دا حتمی حل کڈھ سگوں۔ مسئلے دے حل نال نہ صرف ملک بلکہ لمبی مدت بنیاد تے اساڈے مفادات کوں وی فائدہ تھیسی ۔ انہاں متعلہ حکام کوں ایں مہینے دے چھیکڑ تئیں زیر التوا ادائیگیاں دے معاملے کوں حل کرنڑ کیتے حتمی تجویز تے سفارشاں مرتب کرنڑ دی ہدایت کیتی ۔ ملاقات اچ وفاقی وزیر انفارمیشن ٹیکنالوجی خالد مقبول صدیقی وی موجود ہن۔ ایندے علاوہ سیکرٹری آئی ٹی، سیکرٹری نجکاری کمیشن اتے سیکرٹری خزانہ وی اجلاس اچ شرکت کیتی ۔
مشیر خزانہ و اقتصادی امور ڈاکٹر عبدالحفیظ شیخ دی زیر صدارت بین الاوزارتی اجلاس
مضمون کا ماخذ : میگا سینا آن لائن
متعلقہ مضامین
