اسلام آباد ۔ 15 جنوری (اے پی پی) وزیراعظم دی معاون خصوصی اطلاعات و نشریات ڈاکٹر فردوس عاشق اعوان آزاد کشمیر اتے بلوچستان اچ برفباری نال حادثیں اچ لوکاں دی موت تے بہوں ڈکھ دا ظہار کریندے ہوئیں آکھیے جو متاثرہ خانداناں دی مدد کیتے سارے وسائل استعمال کریسوں ۔بدھ کوں اپنڑے ٹویٹ اچ انہاں آکھیا جو وزیراعظم عمران خان آزاد جموں کشمیر اچ برفانی تودا ڈھنڑ دے بعد دی صورت حال دا نوٹس گھندے ہوئیں وختی امدادی اقدامات دی ہدایت کیتی اے ۔ وزیر اعظم متعلقہ اداریں کوں ہنگامی بنیاداں تے مشکلات نال ڈوچار شہریاں تے متاثرین دی بھرپور امداد دے احکامات ڈتن ۔ وزیراعظم متاثرہ لوکاں کوں محفوظ جہیں تے منتقل کرنڑ سمیت زخمیاں دے علاج کیتے ہدایات ڈتن ۔ ڈاکٹر فردوس عاشق اعوان آکھیے جو آزاد جموں و کشمیر حکومت اتے متعلقہ محکمیں دی سانجھ نال متاثرہ خانداناں تے شہریاں دی مدد کیتے سارے وسائل تے صلاحیت استعمال کریسوں ۔
آزاد کشمیر اتے بلوچستان اچ متاثرہ خانداناں دی مدد کیتے سارے وسائل ڈیسوں، ڈاکٹر فردوس عاشق اعوان کا ٹویٹ
مضمون کا ماخذ : کمپیوٹر لاٹری
متعلقہ مضامین
