اسلام آباد ۔ 6 مئی (اے پی پی) وفاقی وزیر تعلیم شفقت محمود دے زیر صدارت چارے صوبیاں اتے گلگت بلتستان دے وزرا اعلیٰ دی تعلیمی کانفرنس تھئی اے۔ویڈیو لنک تے تھیونڑ آلی ایں کانفرنس اچ کرونا دی صورتحال کوں دیہدے ہوئیں پورے ملک دے تعلیمی ادارے جون توں بعد وی بند رکھنڑ دی تجویز تے اتفاق کیتا گئے۔خیبر پختونخواہ اجلاس اچ یکم جون توں تعلیمی ادارے کھولنڑ دی حمایت کیتی جڈاں جو پنجاب، بلوچستان اتے سندھ این تجویز دی مخالفت کیتی۔ پنجاب، بلوچستان اتے سندھ ا مطالبہ کیتے جو کرونا دے ودھدے خطرے پاروں حالی تعلیمی ادارے نہ کھولیے ونجن،جیندے تے اتفاق کریندے ہوئے اجلاس تعلیمی ادارے جون توں بعد وی بند رکھنڑ دا فیصلہ کیتے اتے اتفاق کیتے جو اے معاملہ قومی رابطہ کمیٹی کوں بھیجا ویسی۔
مضمون کا ماخذ : کلیوپیٹرا
