اسلام آباد۔23مارچ (اے پی پی) صدر مملکت ڈاکٹر عارف علوی آکھیا جو اڄ ساکوں پاکستان کوں معاشی طور تے مضبوط اتے خوشھال ملک بݨاوݨ اتے بانیان وطن دی بصیرت دے مطابق جمہوری اقدار، قانون دی حکمرانی اتے اسلامی طرز زندگی کوں برقرار رکھݨ دا عہد کریندوں، جنوبی ایشیا اچ پائیدار امن سانڳے جموں تے کشمیر دے تنازعہ دا سلامتی کونسل دی قرارداداں دے مطابق حل کلیدی حیثیت رکھیندے۔ قوم کورونا بارے سارے احتیاط کرے تانجو کورونا دی تریجھی لہر تے قابو پاتا ونڄ سڳے۔ یوم پاکستان، 23 مارچ 2021ء تے قوم دے ناں سنیھے اچ انہاں آکھیا جو یوم پاکستان دےموقع تے اساں بانیان پاکستان کوں خراج عقیدت پیش کریندوں جنہاں دی خدمات اتے قربانیاں نال برصغیر دے مسلماناں سانڳے ہک انج وطن دا قیام ممکن تھیا۔ اڄ اساں پاکستان کوں ہک معاشی طور تے مضبوط اتے خوشحال ملک بݨاوݨ دا عزم کریندوں۔
مضمون کا ماخذ : لاٹری کے سستے ٹکٹ
