واشنګټن 23 مئی (اے پي پي)په امريكا كښې د پاكستان سفير مسعود خان وئېلي دي پاكستان او امريكا د مذاكراتي عمل د لارې شريك مقاصد تر لاسه كولو لپاره اړيكو ته د لا ودې وركولو هڅې كوي او په داسې تګلاره كار كوي كومه چې د دواړو هېوادونو لپاره په شريكه توګه ګټوره وي۔ده د چائنا ګلوبل ټيلي ويژن نيټ ورك-امريكا ” دا هیټ‘‘ نومې نوې شو ته د مركې په مهال ووئېل مونږ په اعتماد سره سباؤن پلو ګورو۔ده ووئيل دواړه هېوادونه په “پرسيپشن منيجمنټ”كار كوي كوم چې د ترهه ګرۍ په ضد جنګ نه پس مهم دے او د منطقې جيو سټريټجك پيچلتيا له مخې قوي اړيكو جوړولو لپاره ترلاسه موقعې استعمال كړی۔ماته ښكاري چې مونږ تر ډېره حده كامياب شوي يو او دا موقعې به لا زياتولې شي۔په پاك چين اړيكو تبصره كښې ده ووئيل پاك چين اړيكې د نتيجې وړ دي٬ده ووئيل چين سره زمونږ اړيكې د امريكې سره زمونږ د ملګرتيا په قيمت نه دي۔پاكستاني سفير د چين پاكستان اقتصادي راهدارۍ(سي پېك)منصوبه “مهمه”ګرځولو سره ووئېل ابتدائي پروژې بشپړولو نه پس دواړو هېوادونو محسوس كړې چې ميګا پراجيكټ كښې د سېلګرۍ٬ټېكنالوجۍ٬كركيلې٬پيشه وره تربيت كښې د سرمايه كارۍ يو جامع پروګرام پكار دے۔ده ووئيل تراوسه مونږ نزدې 25 بلين ډالره د منصوبو لپاره وركړي او تر 2030 به مونږ د پاتې پروژو تر سره كولو جوګه شو۔پاكستاني سفير ووئيل دا د بيلټ اينډ روډ انيشي ايټو فليګ شپ پروژه ده ځكه مونږ د دې مهمې پروژې لپاره باوقاره تړون لرو دغسې چې دا په هر حال كښې كاميابه شي ۔د پاكستان په معاشي ستونزو سفير ووئيل د هېواد په كال 2022 كښې د سېلاب تباهو څخه تېر شوے او اوس معيشت مستحكم دے۔ده ووئيل آئي ټي٬كركيلې٬د تجديد وړ توان او صنعتونو ته پام لرنه شوې۔ده ووئيل پاكستان د ټيكس نظام سمولو٬د توان څانګه لا قوي كولو او د غېر فعاله سركاري ادارو نجكارۍ پشمول په لويه پېمانه اصلاحات كوي۔پاكستاني سفير ووئيل په مجموعي توګه مونږ په معاشي توګه يو روښانه نقطه نظر او روښانه سباؤن لرو ۔ده د پاكستان وزيراعظم د چين راتلونكې دورې په اړه ووئيل د دې دورې په ايجنډا كښې دفاعي اړيكې٬اقتصادي مرستې قوي كول او كلتوري تبادلو كښې سرمايه كارۍ شامله ده۔
د پاكستان او امريكې د دوه اړخيزه ګټورو اړيكو ودې لپاره كار كوو۔ د پاكستاني سفير مركه
مضمون کا ماخذ : لکی لیڈیز چارم
متعلقہ مضامین
