راولپنڈی ۔ 19 دسمبر (اے پی پی) وزیراعظم دے معاون خصوصی قومی صحت سروسز ریگولیشنز اینڈ کوارڈینیشن ڈاکٹر ظفر مرزا آکھیے جو موجودہ حکومت ملک دے سبھے طبقیں کوں صحت عامہ دیاں سہولتاں ڈیونڑ کیتے ہر ممکن اقدامات کریندی پئی اے ، صحت متعلق مسلیں دے تناظر اچ 60 ہزار لیڈی ہیلتھ ورکرز بھرتی کیتیاں ویسن ‘ موثر کوششاں دے ذریعے تھیلیسیمیا روکنڑ کوں یقینی بنڑایا ونج سگدے ، اے گال انہاں خمیس کوں راولپنڈی میڈیکل یونیورسٹی اچ 14 ویں نیشنل تھیلیسیمیا کانفرنس اینڈ ورکشاپ نال خطاب کریندے ہوئیں آکھی اے ، انہاں آکھیے جو تھیلیسیمیا فیڈریشن پاکستان ‘تھیلیسیمیا دے مریضاں کوں کئی سال توں ہر ممکن سہولتاں ڈیونڑ کیتے کم کریندی پئی اے ، کئی ملکاں ایں بیماری کوں کامیابی دے نال مکائے اساں وی اینویں کرسگدوں ۔ انہاں آکھیے جو تھیلیسیمیا پریونشن کنٹرول پروگرام کوں موثر بنڑاونڑ ضروری اے ، ایندے علاوہ شادی توں پہلے سکریننگ اتے کونسلنگ دے ذریعے وی ایندے تے قابو پاتا ونج سگدے انہاں آکھیے ایں حوالے نال قانون موجود ہن لیکن عمل درآمد دی ضرورت اے ، حکومت 50 لکھ خانداناں کوں ہیلتھ انشورنس کارڈ ڈتن جڈاں جو آندے سال دے چھیکڑ تئیں 15ملین خانداناں کوں اے کارڈ ڈتے ویسن ، اساں ملک دے سارے طبقیں کوں صحت دیاں مساوی سہولتاں ڈیونڑ کیتے کوشاں ہیں ، انہاں آکھیے جو پرائمری ہیلتھ کیئر کوں مضبوط کرنڑ کیتے 60 ہزار لیڈی ہیلتھ ورکرز بھرتی کیتیاںویسن جیں نال تلویں سطح تے مسلے حل کرنڑ اچ مدد ملسی ۔
موثر کوششاں دے ذریعے تھیلیسیما روکیا ونج سگدے ، ڈاکٹر ظفر مرزا
مضمون کا ماخذ : جیتنے والی لاٹری
متعلقہ مضامین
