اسلام آباد ۔ 25 ستمبر (اے پی پی) وفاقی وزیر امور کشمیر و گلگت بلتستان علی امین خان گنڈاپور آزادکشمیر اچ زلزلے پاروں جانی تے مالی ضیان تے ودھ سارے ڈکھ تے افسوس دا اظہار کریندے ہوئیں آکھیے جو اوکھے ویلھے پاکستان دی حکومت تے عوام کشمیری بھراویں دے نال اے ، وزیر اعظم عالمی رہنماواں تے اداریں دے سربراہیں نال ملاقاتاں اچ مسئلہ کشمیر کوں بھرپور انداز اچ اجاگر کریندے پن ۔اے گال انہاں نیویارک اچ تحریک انصاف آزادکشمیر دے صدر بیریسڑ سلطان محمود نال ملاقات کریندے ہوئیں آکھی اے ۔ایں موقع تے وفاقی وزیر میرپور اتے جاتلاں آزادکشمیر اچ زلزلے نال جانی تے مالی ضیان تے ڈکھ دا اظہار کیتے ۔ ملاقات دے دوران بیریسٹر سلطان محمود زلزلے دے بعد دی صورتحال متعلق وفاقی وزیر کوں ڈسایا جو تحریک انصاف دے کارکنان امدادی کارروائیاں اچ بھرپور شرکت کریندے پن۔ وفاقی وزیر آکھیا جو وزیراعظم کشمیریاں کوں انہاں دا حق خودارادیت ڈیواونڑ تئیں آرام نال کائناں بہسن ۔انہاں آکھیے جو 27ستمبر کوں کشمیری پاکستانیاں دی ودھ ساری تعداد نیو یارک اچ کشمیریاں نال اظہار یکجہتی کریسی۔
اوکھے ویلھے پاکستان دی حکومت تے عوام کشمیری بھراویں نال اے ،وفاقی وزیر امور کشمیر و گلگت بلتستان علی امین خان گنڈاپور
مضمون کا ماخذ : پاور بال جیتنے کے طریقے
متعلقہ مضامین
