اسلام آباد۔12اکتوبر(اے پی پی) آئینی ترمیم تے پارلیم??ن دی خصوصی کمیٹی مسودہ جات تے غور سانڳے اعظم نذیر تارڑ دی سربراہی اچ قانونی ماہرین تے مشتمل سب کمیٹی بݨا ݙتی جݙاں جو وفاقی وزیر قانون اعظم نذیر تارڑ ھک واری ول واضح کیتے جو موجودہ چیف جسٹس دی مدت 25 اکتوبر کوں ختم تھیندی پئی تے آئین موجب سینئر تر??ن جج دی تعیناتی دا نوٹیفیکیشن کرݙتا ویسی ۔ پارلیمانی کمیٹی اچ آئینی عدالت دے قیام ، جوڈیشل کمیشن دی نویں سروں تشکیل تےججاں دی کارکردگی دی جانچ دے نظام تے غور کیتا ڳئے ۔ کمیٹی دا اجلاس سید خورشید شاہ دی سربراہی اچ تھیا جیں اچ کمیٹی دے ارکان ڈپٹی وزیراعظم اسحاق ڈار، سید نوید قمر، سینیٹر کامران مرتضی، وفاقی وزیر قانون و انصاف اعظم نذیر تارڑ، عرفان صدیقی، بی??سٹر گوہر، عمر ایوب خان، محمد اعجاز الحق، فاروق ستار، شیری رحمان اتے انوشہ رحمان سودھے ٻئے کمیٹی ممبران شر??ت کیتی۔ بعد اچ اجلاس دے حوالے نال میڈیا کوں مختصر بی??ن اچ وفاقی وزیر قانون و انصاف اعظم نذیر تارڑ آکھیے اجلاس دے دوران آئینی ترامیم دے مسودے تے ڳالھ تھئی اے ، اجلاس اچ قانونی ماہرین تے مشتمل ذیلی کمیٹی بݨائی ڳئی اے جیں اچ بی??سٹر گوہر، کامران مرتضی، انوشہ رحمان شامل ہن جݙاں جو میں اتے نوید قمر وی ایندا حصہ ہوسوں ، کمیٹی منگل تئیں مسودے تے غور کریسی ۔ ھک سوال تے انھاں آکھیے سپریم کورٹ دے موجودہ چیف جسٹس 25اکتوبر کوں سبکدوش تھیندے پئن آئین پاکستان اچ جے سینئر تر??ن جج کوں چیف جسٹس تعینات کرݨ دا لکھیے تاں اوہو چیف جسٹس ہوسی تے انھاں دی تقرری دا نوٹیفیکیشن 25 اکتوبر کوں حکومت جاری کرݙیسی جیں اچ انھاں دے حلف دی تاریخ تے جاہ دا وی تعین ہوسی۔
