رياض 29 اپرېل(اے پي پي) وزيراعظم شهباز شريف او د ده د ملائېشيا همڅنګ انور ابراهيم د پاكستان او ملائېشيا ترمينځه د تعليم٬ سائنس او ټېكنالوجي٬لائيو سټاك او تجارت په څانګو كښې همكارۍ ته د ودې وركولو عزم پخلې كړے۔ د ګل په ورځ د وزيراعظم آفس ميډيا ونګ لخوا د جاري شوي بيان له مخې وزيراعظم شهباز شريف او د ملائېشيا وزيراعظم انور ابراهيم ترمينځه رياض كښې د نړيوال اقتصادي فورم خاص غونډې په موقع ملاقات وشو۔ د وزيراعظم د شهباز شريف د بيا ټاكل كېدو نه پس د دواړو لارښودو ترمينځه دا وړومبې ملاقات و۔ د دواړو لارښودو ترمينځه د روان كال مارچ مياشتې په څلورمه نېټه د وزيراعظم چوكۍ سنبهالولو څخه وروستو او د اپرېل په 10 مه نېټه د وړوكي اختر په موقعه ټېلېفوني رابطه شوې وه۔ وزيراعظم د ملائېشيا د وزيراعظم د مشرۍ ستائنه كولو سره د فن او ادب او په خاص توګه د پاكستان د قومي شاعر علامه اقبال په اړه د هغه پوهه او علم وستائلو۔ د ملائېشيا وزيراعظم يو څو خبرې په اردو كښې وكړي او د پاكستان د تعليمي ادارو ذكر يۍ وكړو چرته به چې په تېر وخت كښې د ملائېشيا زده كونكو د ميډيكل او انجينئرنګ زده كړې ترلاسه كولې۔ دواړو لارښودو دوه اړخيزه اړيكو ته په وده وركولو موافقت وكړو٬ په دې مهال د دواړو لخوا زياته ګرمجوشي وليدلې شوه۔ دوئي د پاكستان او ملائېشيا ترمينځه د تعليم٬سائنس او ټېكنالوجۍ٬لائيو سټاك او تجارت په څانګو كښې د تاريخي اړيكو ذكر كولو سره سباؤن كښې د مرستې لا زياتولو عزم وكړو۔ وزيراعظم شهباز شريف د ملائېشيا تجارتي او كاروباري پلاوي ته د پاكستان دورې كولو بلنه وركړه دغسې چې د دواړو هېوادونو ترمينځه د تجارت او سرمايه كارۍ اړيكو زياتولو په اړه خبرې اترې وشي۔ دواړو لارښودو د شريك وزارتي كمېشن راتلونكې غونډې زر تر زره په اسلام آباد كښې په كولو اتفاق هم وكړو۔وزيراعظم يو وارې بيا د ملائيشين وزيراعظم انور ابراهيم ته د پاكستان سركاري دورې كولو بلنه وركړه۔
د وزيراعظم شهباز شريف او د ملائېشيا وزيراعظم انوار ابراهيم ترمينځه رياض كښې ملاقات
مضمون کا ماخذ : اولمپس کے خدا
متعلقہ مضامین
