اسلام آباد 03 جنوری (اے پی پی) خارجه وزير شاه محمود قرېشي وئېلي دي چې پاكستان په كال 2021م كښې په بېلا بېلو سفارتي محاذونو سفارتي مقاصد په فعاله او مستقل توګه مخ په وړاندې بوتللي٬مونږ لويو طاقتونو او د منطقې ټولو مهمو شراكتدارو سره دوه اړخيزه اړيكې او دوستي مستحكم كړې۔د جمو كشمير شخړې او دافغانستان صورتحال پشمول د خارجه پالېسۍ په مهمو ستونزو مو په كاميابۍ او موثره ډول خپل نظر وړاندې كړې۔پاكستان د هند پشمول ټولو ګاونډي هېوادنو سره د معمول د اړيكو پلوي دې خو د ماحول ښه كولو ذمه واري په هند راځي۔د كشمير مسئلې د منصفانه حل نه بغېر په سوئېلي آسيا كښې امن نشي راتللې۔په بې ګناه كشميريانو د روان ظلم او جبر په ضد به په نړيواله كچه غږ پورته كوو۔د ګل په ورځ د خارجه پالېسۍ اهدافو 2021 په اړه خبري كنفرنس ته د وېنا كولو په مهال خارجه وزير ووئيل چې كال 2021م د سفارتي مصروفياتو كال و٬مونږ د وزيراعظم په وژن 2021 مكمل عمل كړې٬په خارجه وزارت كښې ګڼ شمېر اصلاحات شوي دي۔ده ووئيل چې د فلسطين مسئلې په اړه د پاكستان دريځ واضح دې او په دې كښې هېڅ بدلون نه دې راغلې٬په مقبوضه كشمير كښې د بشري حقونو څخه سختې سرغړونې او اسلامو فوبيا د ملګرو ملتونو پشمول په نړيواله كچه په ډاګه كړې شوې۔ده ووئيل چې روسيې٬اروپائي ائتلاف٬ افريقې٬آسيان٬مينځني ختيز او د مينځنۍ آسيا هېوادونو سره زمونږ په اړيكو كښې بهتري راغلې٬امريكې سره په اړيكو كښې بهتري روانه ده۔ده كال 2021م مهم كال ګرځولو سره ووئيل چې په افغانستان كښې امن د پاكستان د كردار پشمول يو شمېر مهمو پرمختګونو او اقداماتو د پاكستان د خارجه پالېسۍ د ترجيحاتو په وړاندې بوتللو كښې مرسته كړې۔د افغانستان په اړه خارجه وزير ووئيل چې د افغانستان معامله يو چېلنج دے ځكه چې د افغانستان د صورتحال نيغ په نيغه په پاكستان آغېز كېږي٬پاكستان د امن په عمل كښې بشپړ كردار ترسره كړې او نړۍ يې ستائنه كړې۔خارجه وزير ووئيل چې تېر كال د 50 زياتو هېوادونو سره 85 دوه اړخيزه تبادلې شوې دي۔ملګرو ملتونو د پاكستان يا د پاكستان په مرسته وړاندې كړې شوې پنځه قراردادونه منظور كړي۔خارجه وزير ووئيل چې پاكستان افغان اولس لپاره د انساني مرستې په غرض د پنځه اربه روپو د مرستې لوظ كړې۔د او آئي سي هېوادونو ھم په دې وروستيو كښې په اسلام آباد كښې د افغانانو انساني مرستې لپاره اتفاق كړې۔خارجه وزير ووئيل چې د پاكستان او روسيې ترمينځه اړيكو وده كړې٬د تېر كال په وړومبو لسو مياشتو كښې د پاكستان او روسيې ترمينځه په دوه اړخيزه تجارت كښې 20 فيصده اضافه شوې۔ده ووئيل چې مونږ د افغانستان په اړه هم د مشورې لړۍ په ځاې ساتلې۔
پاكستان په كال 2021م كښې په بېلا بېلو سفارتي محاذونو سفارتي مقاصد په فعاله او مستقل توګه مخ په وړاندې بوتللي۔د خارجه وزير شاه محمود قرېشي د خارجه پالېسۍ اهدافو 2021 په اړه خبري كنفرنس ته وېنا
مضمون کا ماخذ : لاٹری کے لائیو نتائج
متعلقہ مضامین
