اسلام آباد۔31اکتوبر(اے پی پی) پاکستان لبنان دی وادی بیکا اتے بعلبک دے علاقے تے اڄوکے اسرائیلی حملیں دی شدید مذمت کیتی اے جیں دے نتیجے اچ تریمتاں تے ٻالاں سودھے شہریاں دیاں جاناں دا وݙا ضیان تھئے تے 10 لکھ توں ودھ لوک بے گھر تھئن ۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے اے فضائی حمل?? لبنان دی قومی خودمختاری اتےعلاقائی سالمیت دی خلاف ورزی اتے بین الاقوامی انس??نی قانون اتے اقوام متحدہ دے چارٹر دی سنگین خلاف ورزی اے۔ پاکستان شمالی غزہ دے لوکاں دے خلاف اسرائیلی جارحیت اتے بیت لاہیا تے اندھا دھند فضائی حملے دی وی مذمت کریندے جیں دے نتیجے اچ تریمتاں تے ٻالاں سودھے 100 توں ودھ فلسطینی شہید تھئن۔ ترجمان آکھیے مسلسل اتے مکمل استثنیٰ نال بغیر کہیں وارننگ دے گنجان آباد رہائشی علاقیں کوں نشانہ بنانا بین الاقوامی قانون اتے انس??نی مصائب سانڳے اسرائیلی نفرت کوں ظاہر کریندے ، اساں عالمی برادری تے زور ݙیندوں جو اسرائیل کوں ایندے جنگی جرائم تے انسانیت دے خلاف جرم دا ولدا ڳھدا ونڄے ۔ ترجمان آکھیے پاکستان لبنان تے فلسطین دے عوام کوں انس??نی امداد ݙیوݨ سانڳے پرعزم اے، گزیل ہفتے پاکستان انس??نی امداد دے مزید 2 طیار?? لبنان بھیڄے، ہݨ تئیں پاکستان توں چار خصوصی کارگو طیارے ضروری انس??نی سامان نال لبنان پڄ چکن۔
