اسلام آباد ۔ یکم جولائی (اے پی پی) چیئرمین سینیٹ محمد صادق سنجرانی آکھیے جو گوادر دنیا دے مستقبل دا معاشی حب اے، مصر دے سرمایہ کار ایں معاشی حب توں فائدہ چاسگدن ،سینیٹ ، صوبائی حکومتاں اتے متعلقہ اداریں دے ذریعے ایں مقصدکیتے ہر قسم دی سہولت ڈیونڑ کوں تیار اے ۔اے گال چیئرمین سینیٹ مصر دے سفیر طارق داروگ نال پارلیمنٹ ہاوس اچ ملاقات کریندے ہوئیں آکھی اے ۔ چیئرمین سینیٹ محمد صادق سنجرانی آکھیے جو مصر دے سرمایہ کار شپنگ، لائیوسٹاک، فشریز، معدنیات اتے سروسز دی فراہمی دے علاوہ بئے شعبیں اچ موجود سرمایہ کاری توں ودھ سارا فائدہ چا سگدن ۔ چیئرمین سینیٹ آکھیے جو مصر قدیم ثقافت، تہذیبی وتمدن اتے علم دا گہوارہ رہیے اج وی دنیا کیتے تاریخی اہمیت رکھیندے ۔پاکستان مصر نال اپنڑے ڈو پاسے تعلقات کوں قدر دی نگاہ نال ڈیکھدے انہاں تعلقات دی بنیاد تے مشترکہ ثقافتی ، مذہبی تے معاشرتی مماثلتاں اچ اے ۔انہاں آکھیے جو پارلیمانی سفارتکاری کوں بروئے کار گھن آندے ہوئیں وفداں دے تبادلے تکھے کرنڑ نال عوامی سطح تے رابطے دے استحکام کیتے اقدامات کرنڑیں ہوسن ۔
گوادر دنیا دے مستقبل دا معاشی حب اے،چیئرمین سینیٹ دا مصر دے سفیر طارق داروگ نال ملاقات اچ گال مہاڑ
مضمون کا ماخذ : مصر کی میراث
متعلقہ مضامین
