اسلام آباد ۔ 5 فروری (اے پی پی) وفاقی وزیرامور کشمیر تے گلگت بلتستان علی امین خان گنڈا پور آکھیے جو کشمیریاں دیاں قربانیاں تے پاکستان نال کشمیریاں دی وابستگی کوں سلام پیش کریندوں،مسلہ کشمیر دے حل کیتے عالمی برادری اپنڑاں کردار ادا کرے ،کشمیریاں دی سیاسی ، سفارتی تے اخلاقی حمایت جاری رکھیسوں ،مقبوضہ کشمیر دے نہتے عوام بھارتی ظلم دا ڈٹ تے مقابلہ کریندے پن۔اومنگل کوں ڈی چوک اسلام آباد اچ یوم اظہار یکجہتی کشمیر دی تقریب نال خطاب کریندے پئے ہن ۔تقریب اچ شہریاں، طلبا تے طالبات دی وڈی تعداد شرکت کیتی ۔ایں موقع تے کشمیریاں نال اظہار یکجہتی کیتے سائرن وجایا گیا ۔ تقریب دے شرکا یوم اظہار یکجہتی کشمیر دے حوالے نال ہک منٹ دی خاموشی اختیار کیتی ۔
مضمون کا ماخذ : لاٹری ٹکٹ کی دستیابی
