اسلام آباد ۔ 7 جون (اے پی پی) وزیر اعظم جسٹس (ر) ناصر الملک دے زیر صدارت پٹرولیم دے شعبہ بارے اجلاس تھئے جیندے اچ نگران وزیر برائے بجلی بیرسٹر سید علی ظفر، وزیر اعظم دے سیکرٹری سہیل عامر، سیکرٹری پٹرولیم سکندر سلطان راجہ اتے بئے سینئر حکام وی موجود ہن۔ سیکرٹری پٹرولیم ، پٹرولیم دی صورتحال اتے بالخصوص گیس و پٹرولیم مصنوعات دی پیداوار و طلب تے بریفنگ ڈتی جو ملک اچ توانائی دی موجودہ ضروریات 79.58 ملین ٹن تیل دے برابر ہین جیہڑی 38 فیصد گیس، 34 فیصد تیل، 06 فیصد ایل این جی اتے بئے وسائل بشمول ایل پی جی، ہائیڈرو اتے کوئلہ تون پوریاں تھیندن۔انہاں آکھیا جو ملک اچ گیس صارفین دی تعداد 88 لکھ اے جیندے اچ سالانہ پنج لکھ صارفین دا ودھارا تھیندا پئے، مقامی پیداواراچ کمی پاروں ایل این جی دی لوڑھ موجودہ ہک ہزار ایم ایم سی ایف ڈی توں 2030 تئیں 3600 ایم ایم سی ایف ڈی تھی ویسی۔ سیکرٹری پٹرولیم گیس دے مُل سودھے پٹرولیم دے شعبہ سانگے مختلف مسائل وی ڈسائے۔ وزیر اعظم ہدایت کیتی جو نگران حکومت دے دائرہ اختیار دے مطابق ہنگامی صورتحال نال نمٹنڑ توں علاوہ پٹرولیم دے مسائل دے حل کیتے جامع حمکت عملی بنڑائی ونجے جیہڑی آندی حکومت دے وی کم آوے۔
وزیر اعظم جسٹس (ر) ناصر الملک دے زیر صدارت پٹرولیم دے شعبہ بارے اجلاس
مضمون کا ماخذ : لاٹری کے اعدادوشمار
متعلقہ مضامین
