شورکوٹ۔25 فروری(اے پی پی)صدر مملکت ڈاکٹر عارف علوی آکھیے جو پاکستان کلہا ملک اے جیڑھا میراج طیاریاں دا باقاعدہ استعمال کریندا پئے، 52 سال بعد وی میراج طیاریاں کوں دفاع وطن دے قابل بݨاوݨ قابل تعریف اے، ساݙے انجینئرز اتے ٹیکنیشنز ساݙے ہیرو ہین جیڑھے محدود وسائل دے باوجود مختلف شعباں اچ ودھ کارکردگی ݙکھیندے پین۔ اے ڳالھ انہاں سرفراز رفیقی پی اے ایف بیس شورکوٹ اچ میراج طیاراں دی گولڈن جوبلی تقریب نال خطاب اچ آکھی۔ انہاں آکھیا جو اڄ پی اے ایف دے ہیروز اتے سرفراز رفیقی ایئر بیس دی تاریخ ڄاݨ تے خوشی تھئی اے۔ صدر مملکت آکھیا جو پاکستان ایئرفورس ڄق دی او فورس اے جیڑھی حالی تئیں نہ صرف کامیابی نال میراج طیاریاں کوںا ݙینفی پئی اے اتے ویلھے دے نال ایکوں اپ گریڈ وی کریندی پئی اے۔ تقریب ویلھے پریڈ وی تھئی اتے پی اے ایف دے سکواڈرن شاندار فلائی پاسٹ کر تے سلامی ݙتی۔ گولڈن جوبلی تقریب اچ کلر آف ایوارڈز دی تقریب وی تھئی جیندے اچ صدر پاکستان ایئر فورس دے سابق اتے حاضر افسران و ٹیکنیشنز کوں ایوارڈ ݙتن۔ پاکستان ایئرفورس دے سربراہ چیف آف سٹاف ایئر چیف مارشل مجاہد انور خان صدر ڈاکٹر عارف علوی کوں یادگاری شیلڈ پیش کیتی۔ صدر میراج مونومنٹ دا افتتاح وی کیتے۔
پاکستان کلہا ملک اے جیڑھا میراج طیاریاں دا باقاعدہ استعمال کریندا پئے، صدر مملکت ڈاکٹر عارف علوی د میراج طیاریاں دی گولڈن جوبلی تقریب نال خطاب
مضمون کا ماخذ : جڑواں اسپن
متعلقہ مضامین
