کراچی۔ 18 جولائی (اے پی پی)نیشنل کمانڈ اینڈ آپریشن سنیٹر(این سی او سی) دا خصوصی اجلاس ہفتہ کوں وزیر اعلیٰ سندھ ہاوس کراچی اچ منعقد تھیا ۔ وفاقی وزیر منصوبہ بندی و ترقی اسد عمر خصوصی اِجلاس دی صدارت کیتی۔ وزیر اعلیٰ سندھ بطور ِ میزبان اجلاس اچ خصوصی شرکت کیتی ۔ این سی او سی موجب سندھ دی وزیر صحت، وزیر تعلیم اتے انتظامیہ دے بئے لوکاں وی شرکت کیتی ۔ وزیر داخلہ بریگیڈئر اعجاز احمد شاہ اسلام آباد توں ویڈیو لِنک دے ذریعے اجلاس اچ شریک تھئے ۔ لیفٹننٹ جنرل حمود الزمان خان نیشنل کوارڈی نیٹر، این سی او سی ڈاکٹر فیصل سلطان، مِس تانیہ ایدرس اتے میجر جنرل آصف گورایا، ڈی جی آپریشنل اینڈ پلان این سی او سی وی اجلاس وچ شریک تھئے ۔ اجلاس اچ سارے صوبیں ، آزادجموں و کشمیر اتے گلگت بلتستان دے نمائندے موجود ہن ۔ وزیراعلی سندھ مرادی علی شاہ این سی او سی دی مرکزی ٹیم کوں سندھ اچ خوش آمدید آکھیے ۔ این سی او سی دے ایں طرح دے اجلاس وبا دے کھنڈنڑ کوں روکنڑ کیتے مددگار ثابت تھیسن ۔ وزیر اعلی سندھ مراد علی شاہ آکھیا جو صوبائی دارلحکومتاں اچ اجلاس دا انعقاداین سی او سی دا بہوں زبردست فیصلہ اے۔ وباء کوں کنڑول کرنڑ اچ این سی او سی اہم کردار ادا کیتے ۔وفاقی وزیر اسد عمر آکھیے جو عید دے دوران مال ڈھور دیاں منڈیاں اچ احتیاطی تدابیر دے نال مانیٹرنگ دا نظام وی ضروری اے ، فیس ماسک تے احتیاطی تدابیر کوںہر صورت یقینی بنڑاونڑاں ہوسی ۔ این سی او سی دے صوبائی دارلحکومتاں اچ اجلاس دا مقاصد اہم ایشوز تے مشاورت اتے صوبیں دی کاکردگی دی تعریف کرنڑ اے ۔ وفاقی وزیر اسد عمر آکھیے جو کورونا دے کیس گھٹ تھئن لیکن اساکوں احتیاط لازمی کرنڑیں چاہیدی اے تاں جو ولا کیس نہ ودھن ،انہاں آکھیے جو سندھ سمیت سارے صوبیں اچ ڈاکٹرز، پیرا میڈکس انتظامیہ اتے قانون نافذ کرنڑ آلے اداریں زبردست کم کیتے اے سارے شاباش دے مستحق ہن۔ وفاقی وزیر داخلہ بریگیڈئر اعجاز احمد شاہ آکھیا جو غیر قانونی مویشی منڈیاں دے خلاف کریک ڈاون جاری اے۔مویشی منڈیاں اچ احتیاطی تدابیر کوں ہر صورت یقینی بنڑایا ویسی ۔
نیشنل کمانڈ اینڈ آپریشن سنیٹ دا خصوصی اجلاس کراچی اچ منعقد وفاقی وزیر منصوبہ بندی و ترقی اسد عمر دی خصوصی اِجلاس دی صدارت
مضمون کا ماخذ : estratégias dupla sena
متعلقہ مضامین
