اسلام آباد ۔ 31 جنوری (اے پی پی) وزیر مملکت برائے محصولات میاں حماد اظہر آکھیے جو موجودہ حکومت دے پہلے چھی مہینے اچ برآمدات ودھین، درآمدات، کرنٹ اکاﺅنٹ اتے تجارتی خسارے اچ کمی تھئی اے، مسلم لیگ (ن)دی سابقہ حکومت گردشی قرضہ 400 ارب روپے توں 1400 ارب روپے تئیں پچا ڈتے، پچھلے ڈاہ سال اچ شرح نمو سب توں گھٹ رہی اتے قرضے ودھ رہین، چھیکڑی ڈو ترائے سال اچ25 ارب ڈالر دے قرضے گھدے گین، معیشت کوں مستحکم کرنڑ کیتے سخت فیصلے کرنڑا پوسن،معاشی استحکام کیتے اقدامات دے اثرات عوام دے اگو تیکھے آونڑ لگ ویسن۔ اے گالھ انہاں ایوان بالا دے اجلاس اچ سینیٹر شیری رحمن دے توجہ ڈیواﺅ نوٹس دے جواب اچ آکھی۔انہاںا ٓکھیا جو جون 2018ءتوں نومبر 2018ءدے دوران حکومت دے قرضے گزریل مالی سال دے ایں ویلھے دے قرضیاں توں 11 ارب روپے گھٹ ہین،1333 ارب روپے دا قرضہ روپے دی قدر اچ کمی پاروں ودھیے بھل ملک دے مجموعی قرضیاںا چ کوئی ودھارا نئیں تھیا،ساڈا مجموعی جی ڈی پی دا حجم 290 ارب ڈالراے، پچھلی حکومت 37 ارب ڈالر دا تجارتی خسارہ چھوڑ تے گئی اے،اساں1946 ارب روپے ملکی قرض تے سود ڈیونڑے ،سابق حکومت دے دوراچ گردشی قرضہ 400 ارب روپے توں 1400 ارب روپے تئیں پج گئے،سوئی گیس کمپنیاں 157 ارب روپے دے خسارے اچ ہین، ساڈے قرضے 6 ہزار ارب روپے توں 26 ہزار ارب روپے تئیں پچا ڈتے گین۔
موجودہ حکومت دے پہلے چھے مہینے اچ برآمدات ودھین، درآمدات، کرنٹ اکاﺅنٹ اتے تجارتی خسارہ گھٹیے،وزیر مملکت حماد اظہر
مضمون کا ماخذ : جڑواں اسپن
متعلقہ مضامین
