راولپنڈی ۔ 26 ستمبر (اے پی پی) پاک فوج دے سربراہ جنرل قمر جاوید باجوہ آکھیا جو کشمیراساڈی روح دا حصہ اے،کشمیردا مسئلہ کشمیریاں دی امنگاں اتے یو این قرارداداں دے مطابق حل تھیسی،اساں کشمیری بھینڑ بھراواں دے رلے کھڑوں،انہاں کوں کڈاہیں مایوس کائنا کریسوں،اساں لائن آف کنٹرول دے ڈوہیں پاسوں وسنڑ آلے کشمیریاں دے نال ہیسے۔پاک فوج دے شعبہ تعلقات عامہ (آئی ایس پی آر) دے مطابق خمیس کوں پاک فوج دے سربراہ جنرل قمر جاوید باجوہ دا آزاد کشمیر نال تعلق رکھنڑ آلے طلبہ اتے یوتھ پارلیمنٹ دے ارکان ملاقات کیتی۔ایں موقع تے انہاں آکھیا جو کشمیر کوئی جغرافیائی مسئلہ کائنی اے اساڈی کشمیری عوام نال محبت دا مظہراے،بھارت ولوں مقبوضہ کشمیر اچ معصوم شہریاں دا معاصرہ انسانی حقوق دی خلاف ورزیاں دی بدترین مثال اے۔
مضمون کا ماخذ : como apostar na loteria
