بئے ملکاں دے مقابلے اچ ملکی صورتحال بہتر اے، کورونا روکنڑ دے حوالے نال اقدامات کوں جاری رکھیا ویسی ، وزیرِ اعظم عمران خان دا کورونا وائرس دی صورتحال اتے روکنڑ متعلق اقدامات دے حوالے نال جائزہ اجلاس توں خطاب
اسلام آباد ۔ 4 مئی (اے پی پی)وزیرِ اعظم عمران خان دا کورونا وائرس روکنڑ دے حوالے نال کیتے گئے اقدامات تے انہاں دے نتائج تے اطمینان دا اظہار کریندے ہوئیں آکھیے جوبئے ملکاں دے مقابلے اچ ملکی صورتحال بہتر اے، کورونا روکنڑ دے حوالے نال اقدامات کوں جاری رکھیا ویسی ۔ کورونا دے خلاف پالیسی سازی دے دوران انہاں دی پہلی ترجیح ملک دے غریب عوام تے کمزور طبقہ تے انہاں دیاں ضرورتاں ہوندن ،۔اے گال انہاں سنوار کوں آپنڑی زیرصدارت کورونا وائرس دی صورتحال اتے وبا کوں روکنڑ متعلق جائزہ اجلاس نال خطاب کریندے ہوئیں آکھی اے ۔ اجلاس اچ وفاقی وزراءمخدوم خسرو بختیار، حماد اظہر، سید شبلی فراز، سید فخر امام، اسد عمر، مشیر تجارت عبدالرزاق ، مشیر خزانہ ڈاکٹر عبدالحفیظ شیخ، معاون خصوصی لیفٹینٹ جنرل (ر) عاصم سلیم باجوہ، ڈاکٹر ظفر مرزا، ڈاکٹر معید یوسف، چئیرمین این ڈی ایم اے اتے بئے سینئر افسر شریک ہن تے کورونا وائرس دی موجودہ صورتحال، وبا دے معاشی اتے سماجی اثرات اتے روکنڑ دے حوالے نال اقدامات تے تفصیلی بریفنگ ڈتی ۔ اجلاس نال خطاب اچ وزیرِ اعظم عمران خان آکھیے جو بئے ملکاں دے مقابلے اچ صورت حال بہتر اے ایں بہتری دی وڈی وجہ حکومت ولوں وختی اقدامات موثر پالیسی سازی تے بہتر کوارڈینیشن اے ۔ وزیرِ اعظم زور ڈتا جو کورونا روکنڑ دے حوالے نال اقدامات کوں جاری رکھیا ونجے ۔انہاں آکھیے جو کورونا روکنڑ دے حوالے نال عوام اچ آگاہی کھنڈاونڑ تے انہاں کوں رضا کارانہ طور تے حفاظتی تدابیر اختیار کرنڑ دے پاسے راغب کرنڑ تے خصوصی توجہ کیتی ونجے ۔
وزیرِ اعظم عمران خان دا کورونا وائرس روکنڑ دے حوالے نال کیتے گئے اقدامات تے انہاں دے نتائج تے اطمینان دا اظہار
مضمون کا ماخذ : میٹھا بونانزا
متعلقہ مضامین
