اسلام آباد ۔ 9 ستمبر (اے پی پی) وزیراعظم عمران خان آکھیا جو ناکامی اتے تنقید دے خوف دا شکار بندے زندگی اچ کجھ نی کر سگدے،سہرا اوں بندے دے سر اے جیڑھا میدان اچ اے اتے بہادری تے ہمت نال کوشش کریندے۔انہاں اے گالھ سنوار کوں اپنڑے ٹویٹر سنھیے اچ آکھی۔وزیراعظم اپنڑے ٹویٹ اچ سابق امریکی صدر تھیوڈرروزویلٹ دے ہک قول دا حوالہ ڈیندیں ہوئیں آکھیا جو اے قول پاکستان دے نینگراں سانگے نصیحت اے۔روز ولٹ اپنڑے قوم اچ آکھیا جو تنقید کرنڑ آلے اتے مضبوط بندے دی ٹھوکر دی نشاندہی کرنڑ آلے کوئی معافی نی رکھیندے،سہرا اوں بندے دے سر اے جیڑھا میدان اچ اے،جئیں دا چہرہ دھول،پسینے اتے خون نال اٹیے،جیڑھا بہادری دتے ہمت نال کوشش کریندے،جیڑھا ولا ولا غلطیاں کریندے کیونجو کوئی وی کوشش غلطیاں اتے خامیاں نال مبراءکائنی ہوندی۔لیکن باہمت لوک کوششاں جاری رکھیندن،اے ایجھے لوک ہوندن جیڑھے جو بہوں خلوص اتے لگن نال کم کرنڑ جانڑندن۔وزیراعظم آکھیا جو ناکامی اتے تنقید دے خوف دا شکار بندے زندگی اچ کجھ حاصل نی کر سگدے۔
ناکامی اتے تنقید دے خوف دا شکار بندے زندگی اچ کجھ نی کر سگدے،سہرا اوں بندے دے سر اے جیڑھا میدان اچ اے اتے بہادری تے ہمت نال کوشش کریندے، وزیراعظم عمران خان دا ٹویٹ
مضمون کا ماخذ : جنگل وائلڈ
متعلقہ مضامین
